“ အပမှီခြင်း ”

“ အပမှီခြင်း ”

ဇာတ်လမ်း / စာရေးသူ - “ မိုးစွေ ” ( ဖြစ်ရပ်မှန် )
( စ - ဆုံး )

 စည်းမျဉ်းစည်းကမ်းဆိုတာ နိုင်ငံတိုင်း ၊ လူမျိုးတိုင်း ၊ ဘာသာတိုင်း ၊
နေရာတိုင်းမှာရှိပါတယ် ၊ ကျောင်းမှာဆို ကျောင်းစည်းကမ်းရှိတယ် ၊
အိမ်မှာဆို အိမ်စည်းကမ်း ၊ လမ်းမှာဆို လမ်းစည်းကမ်း ၊ ရုံးမှာဆို ရုံးစည်းကမ်း ၊
ဒီလိုပါပဲ ဘာမလုပ်ရ ၊ ညာမလုပ်ရဆိုတဲ့ စည်းကမ်းတွေလည်းမနည်းပါဘူး ၊
ဥပမာ တစ်ချို့ပန်းခြံတွေမှာဆိုရေးထားတတ်တယ် ငါးမမြှားရတို့ ၊ ပန်းမခူးရတို့
ဆိုတာမျိုးတွေ ၊ ဒီလိုမျိုး စည်းကမ်းလိုက်နာပြီး စည်းကမ်းရှိရှိနေတဲ့သူအတွက်က
အကောင်းတွေချည်းခံစားတတ်သလို စည်းကမ်းမရှိ ၊ စည်းကမ်းမလိုက်နာတဲ့သူအတွက်တော့
ဆိုးဝါးတဲ့အရာတွေက အမြဲစောင့်ကြိုနေတတ်ပါတယ် ………. ။

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

 “ ဒီနေ့က လကုန်ရက်လေ ဖိုးလုံးရ … ခဏနေ မင်းတို့ညီအစ်ကိုနှစ်ယောက်နဲ့
ငါတို့လမ်းထိပ်က သပြေညိုဆိုတဲ့ ဘီယာဆိုင်မှာ ဆုံကြမယ်နော် မင်းတို့အိမ်ကထွက်လာခါနီးငါ့ကို
ဖုန်းတော့ တစ်ချက်ကြိုဆက်ပေးကွာ… ”

 ယောကျာ်းလေးတော်တ်ာများများရဲ့ ထုံးစံအတိုင်း ငွေလေးလက်ထဲနည်းနည်းပါးပါး
ရလာရင် သုံးဖို့ ဖြုန်းဖို့အရင် စိတ်ကတွေးနေမိတယ်ဆိုတာမျိုးလေ…. အခုလည်းဒီလိုပါပဲ
နေဘုန်းတစ်ယောက် သူနဲ့နှစ်မြို့နယ်လောက်ခြားတဲ့ ငယ်သူငယ်ချင်း ဖိုးလုံးနဲ့ ဖိုးပြုံးတို့ကို
သူနဲ့အတူတူ ဘီယာလာသောက်ဖို့ ဖုန်းဆက်လှမ်းခေါ်နေတယ်လေ ၊ တစ်ဖက်က သူငယ်ချင်းတွေကလည်း
ရှိအတူ မရှိအတူ စိတ်တူကိုယ်တူ သူ့ရှိသူကျွေး ကိုယ့်ရှိကိုယ်ကျွေးကြသူတွေမို့ ချိန်းဖြစ်တာလည်းပါတယ် ၊
သူတို့သူငယ်ချင်းတွေက တက္ကသိုလ်မှာခင်မင်လာခဲ့တဲ့သူငယ်ချင်းတွေလေ
အခုဆို သူတို့တွေအားလုံးကျောင်းတွေပြီးလို့အလုပ်ခွင့်ထဲရောက်သည့်တိုင်အောင်
အဆက်အသွယ်မပျက်ရှိနေကြလောက်တဲ့အထိ ခင်မင်ကြတုန်းပဲ ၊ ဒါ့ကြောင့်လည်း
ဒီလိုမျိုး အမြဲတမ်း ချိန်းဆိုနေမိတာပေါ့ ၊  ဒီလိုလကုန်ရက်မျိုးမှာ ဘယ်လိုလူမျိုးက
အိမ်ကိုစောစောပြန်ချင်ကြမှာတဲ့လဲလေ….. ။

 နေဘုန်း ဘီယာဆိုင်မှာ ရောက်နှင့်နေတာကြာလှပြီဖြစ်လို့ သူငယ်ချင်းတွေဆီကို
နောက်တစ်ကြိမ် ဖုန်းဆက်ကြည့်လိုက်သေးတယ်

 “ ဟဲလို..ဟ..မင်းတို့ဟာကလည်း ကြာလိုက်တာကွာ…ဘာတွေလုပ်နေကြတာတုန်း ”

 နေဘုန်းရဲ့ စိတ်မရှည်တဲ့လေသံကြောင့် တစ်ဖက်က ဖိုးလုံးနဲ့ဖိုးပြုံးတို့ညီအစ်ကိုနှစ်ယောက်ကလည်း
တစ်ယောက်တစ်ခွန်းပြန်အော်ပြောလိုက်ကြတယ်

 “ ဒီမှာ မင်းပါပါးတွေက လမ်းလျှောက်လာလို့မရဘူးဟေ့ … ၊ ဘက်(စ်)ကားစီးရင်လည်း
ကြပ်ပိတ်နေလွန်းလို့ မနက်ဖြစ်မှ ရောက်လာမှာစိုးလို့ အိမ်က ဘက်ထရီဘီးလေးနဲ့ ထွက်လာတာဟေ့ ”

 “ အေး…အဲ့ဒီ့ ဘက်ထရီဘီးကလည်း မစီးတာကြာလို့ထင်တယ် သိပ်တောင် ခပ်ဝေးဝေး
မသွားရသေးဘူး နောက်ဘီးရုတ်ရက်ပေါက်သွားတာနဲကအခုငါတို့ ဘီး ကျွတ် ဖာနေကြတယ်…
ပြီးတာနဲ့ တန်းလစ်ခဲ့မှာ ကိုနေ..စိတ်မပူနဲ့ဗျို့ အမြန်လာခဲ့မယ် ”

 သူတို့ပြောမှ စက်ဘီးကြောင့်ကြာနေမှန်းသိသွားပြီး နေဘုန်း ဒီဘက်ခေတ်လူတွေရဲ့
အပြုအမူအတိုင်း လုပ်စရာမရှိတော့ ခပ်ပျင်းပျင်းရှိတာနဲ့ လက်ကိုင် အန်းဒရိုက် ဖုန်းလေးကို
အင်တာနက်ဖွင့်ပြီး အပြန်ပြန်အလှန်လှန် ပွတ်နေရ်င အချိန်ဖြုန်းပြီး သူငယ်ချင်းတွေကို
စောင့်နေလိုက်တယ် ၊ အပြင်ဘက်မှာ ညနေခင်းနေအလင်းရောင်လေးက လိမ္မော်နီရောင်လေး
ဖြာကျနေတုန်း … ။

 မကြာပါဘူး နာရီပိုင်းလောက်အတွင်းမှာပဲ ဖိုးပြုံးနဲ့ ဖိုးလုံး  ညီအစ်ကို ရောက်လာကြတယ်
နှစ်ယောက်လုံး အမြဲမြင်နေကျအတိုင်း မျက်နာက ၀က်ခြံတွေကို သနပ်ခါးလေးတွေ ပါးပါးလေး
လိမ်းထားကြပြီး မြင်းခေါင်းအကျီ င်္စွတ်ကျယ်တွေနဲ့ ရောက်ချလာကြတာ ၊ ဖိုးပြုံးနဲ့ ဖိုးလုံးနှစ်ယောက်က
မသိတဲ့သူဆို အမွှာလို့ထင်ရလောက်တဲ့အထိ ရုပ်တင်တူကြတယ် တကယ်တော့ အဲ့လိုမဟုတ်ဘူး
ဖိုးပြုံးက ဖိုးလုံးထက် နှစ်နှစ်နီးပါးလောက် အသက်ပိုကြီးတယ် ၊ ဒါပေမယ့် ဆယ်တန်းမှာ စာမလုပ်ဘဲ
ဂိမ်းချည်းဆော့နေလို့ စာမေးပွဲတွေ တဘုန်းဘုန်း ကျပြီးနောက်ဆုံးညီဖြစ်တဲ့သူ ဖိုးလုံးနဲ့
တစ်နှစ်တည်းဖြေကြတဲ့ နှစ်ကျမှ ထူးထူးခြားခြားအောင်သွားခဲ့တယ် ၊ စာမေးပွဲကြီးပြီးတော့
ညီအစ်ကိုနှစ်ယောက် တက္ကသိုလ်မှာ မေဂျာအတူတူယူပြီး ကျောင်းဆက်တက်ရာက
နေဘုန်းနဲ့ခင်သွားခဲ့ကြတာလေ ။

 “ ဟေ့ယောင် ကိုနေ မင်းက ဘာမှလည်းမမှာထားပါလားဟ ”

 “ အေးလေ..အမြည်းတွေဘာတွေ ကြိုမှာထားတာမဟုတ်ဘူးကွာ ”

 သူတို့နှစ်ယောက်စကားကြောင့် နေဘုန်းက

 “ အေးပါဆရာသမားတို့ရယ်…ရော့ရော့ ကိုယ့်ဆရာတွေ ကြိုက်တာကို
မှာလို့ရအောင် ကျွန်တော်မျိုးကြီးက ဘာမှမမှာထားသေးဘဲ ဘက်ရှီးတစ်ခွက်နဲ့
မြေပဲလေးဝါးပြီး ထိုင်စောင့်နေတာပါ ”

 နေဘုန်းပြန်ဖြေလိုက်တာက သူတို့ကိုရွဲ့မှန်းသိသွားပြီး
ညီအစ်ကိုနှစ်ယောက် ဟက်ဟက်ပတ်ပတ်ရယ်မောလိုက်ကြရင်း
ဘီယာပုလင်းတွေနဲ့အတူ တစ်ခြား အမြည်းတွေကိုစုံစုံလင်လင် မှာယူလိုက်တယ် ၊

 ဘီယာတွေသောက်လိုက် စကားတွေ တ၀ကြီးပြောလိုက်နဲ့
သူငယ်ချင်းသုံးယောက် ရှေးဟောင်းနှောင်းဖြစ်တွေ ၊ ရည်းစားတွေ ၊
လက်ရှိအလုပ်က အခတ်အခဲတွေကိုအချင်းချင်း အပြန်အလှန်
ပြောဆိုနေကြရင် စားပွဲပေါ်မှာလည်း ပုလင်းတွေ ၊ ခွက်တွေ ၊ ပန်းကန်တွေ
တစ်ဆတစ်ဆ များများလာနေပြီ…အချိန်ကလည်း တဖြည်းဖြည်း
လင့်လာခဲ့ပြီ…အဲ့ဒါကြောင့် သူတို့တွေ နှုတ်ဆက်ကြပြီး အိမ်ပြန်ဖို့ပြင်ကြတော့တယ် ၊
နေဘုန်းက အိမ်နီးတဲ့သူဆိုတော့ သူငယ်ချင်းတွေကိုပဲ သေသေချာချာပြန်ဖို့
မှာကြာပြီးလှည့်ထွက်သွားခဲ့တယ် ။

 အလာတုန်းက အငယ်ဖြစ်တဲ့ ဖိုးလုံးက စက်ဘီးမောင်းလာပေးတာမို့
အခု အပြန်မှာတော့ ဖိုးပြုံးက တစ်လှည့်ပြန်မောင်းပေးရတယ် ၊ နှစ်ယောက်သား
လမ်းတစ်လျှောက် အသံသေးအသံကြောင်နဲ့ မူးမူးရူးရူးနဲ့ ကိုယ့်အသံနဲ့မလိုက်တဲ့
အဆိုတော်မျိုးကြီးရဲ့ကျောက်စာများ သီချင်းကိုတောင် အော်လာလိုက်ကြသေးတယ်

 “ ညဥ့်နက်ကြီးရေ…ငါ့ဝိညာဉ်ပြန်ပေး…..ညညအိပ်မရ ၊ အသွေး…အသွေး
အသား…အသား… ရူးသွပ်ခြင်းတွေလား ၊ ရင်ခုန်သံရဲ့သွေးတွေ….. ၊
ဒီမှာအသွေး…အသွေး အသား…အသား… ငါ့ ၀ိညာဉ်အား နာမည်မခေါ်နဲ့…. ”

 ညီအစ်ကိုနှစ်ယောက် အတိုင်အဖောက်ညီညီ အော်ဟစ်ရင်း
စက်ဘီးလေးနဲ့အိမ်ပြန်လာရာက သူတို့မြို့နယ်နဲ့တစ်ဖက်မြို့နယ် ကြားမှာရှိတဲ့
ရထားလမ်းတစ်ခုအနားရောက်တော့ အနောက်က အငယ်ကောင် ဖိုးလုံး က

 “ ကိုပြုံးရေ ရှေ့နာက ရထားလမ်းထောင့်ကျရင် ခဏရပ်ပေးဦးဗျာ
ကျွန်တော် ဘီယာတွေဝင်ထားတာများသွားပြီ ရှူးပေါက်မှဖြစ်တော့မယ်
မရတော့ဘူး ” လို့ပြောလာတော့ အစ်ကိုဖြစ်သူက ဘရိတ်လေးကိုမသိမသာညှစ်လိုက်ရင်း
စက်ဘီးကိုရပ်ပေးလိုက်တယ် အငယ်ကောင်က ရထားလမ်းဘေးနားက ခြုံတစ်ခုရှေ့မှာ
အပေါ့အပါးသွားပြီးတော့ စက်ဘီးနားကိုပြန်လျှောက်လာရင်းကနေ ခလုတ်တိုက်သလို
အနောက်ကတစ်ယောက်ယောက် ပိတ်ရိုက်သသလိုက်သလို ပိတ်တွန်းလိုက်သလို
ဖြစ်သွားပြီး ပစ်လဲကျသွားတယ်…. ။

 ကားတွေကလည်း မထင်ရင်မထင်သလို အရမ်းအမောင်းကြမ်းတဲ့နေရာဖြစ်သလို
ရထားလာရင်လည်း အန္တရယ်များတာမို့ ညီပစ်လဲသွားတာကိုအစ်ကိုဖြစ်တဲ့ ဖိုးပြုံးက စိတ်ပူသွားတယ်
ဖိုးလုံးတစ်ယောက် မူးလို့ပစ်လဲတာလို့လည်းထင်လိုက်မိတယ် ခေါင်းတွေဘာတွေနဲ့ အောက်က
ကျောက်ခဲတွေ မြေမာမာတွေနဲ့ ရိုက်မိမှာလည်း စိတ်ပူသွားတာနဲ့ ချက်ချင်းဆိုသလို စက်ဘီးကို
ဒေါက်ထောက်လိုက်ပြီး ညီဖြစ်သူကို ပြေးထူလိုက်တယ်

 “ ဟေ့ယောင် ဖိုးလုံး ဘာဖြစ်တာလဲကွ…..
ထိသွားသေးလား….လာလာ မြန်မြန်ထာ..ညဘက်ကြီးဒီလိုနေရာမှာ
လဲတာ မကောင်းဘူးကွ…မင်းအဆင်ပြေရဲ့လား ဆေးခန်းသွားမလား
အိမ်တန်းပြန်မလား… ”

 အစ်ကိုဖြစ်သူက ဘယ်လောက်မေးမေး ဖိုးလုံးက မျက်လုံးကြီးပြူးပြီး
အရှေ့တည့်တည့်ကိုပဲ မျက်စိအသေကြီးနဲ့စိုက်ကြည့်နေတယ် ၊
ပြီးတော့ ဘာတစ်ခွန်းမှလည်း စကားပြန်မပြောဘူး ၊ တစ်ချက်တော့ ဖိုးပြုံး
စိတ်ထဲမှာ ထိတ်သွားမိပေမယ့် ညီဖြစ်သူဖိုးလုံး အသောက်များပြီး
ပလက်ကျွတ်သွားတာလို့ပဲမှတ်လိုက်တယ် ပြီးတော့ စက်ဘီးနောက်မှာ ခွထိုင်ဖို့
အတင်းခေးတင်လိုက်ပြီး အိမ်ကိုပဲတန်းပြန်လာလိုက်တယ်… ၊
ခုနတုန်းက သီချင်းအော်ဆိုနေတဲ့ကောင် အခုတော့ ချော်လဲပြီးတော့
ငြိမ်ကျသွားလိုက်တာ အနောက်မှာ ဘယ်သူမှမပါလာသလိုမျိုးပဲ… ၊
ပိုထူးဆန်းတာက စက်ဘီးက ခုနကထက်စာရင်ပိုလေးနေမိတာကို
ခံစားမိတယ်… ၊ အကွေ့နေရာတွေတို့ခဲတစ်ခုခုကို တက်နင်းမိတာတို့ဆို
စက်ဘီးရဲ့နောက် ဘီးက တဒုတ်ဒုတ်နဲ့ဖြစ်နေတာကို သိသိသာသာ ခံစားမိလိုက်တယ်
ဒါပေမယ့် အလာတုန်းက စက်ဘီးဘီးဖာထားတာ မလုံလို့ လေပြန်စိမ့်တာလို့ပဲ
မှတ်ထားပြီး ဖိုးပြုံးအိမ်ကိုပဲ အရောက်ပြန်လာလိုက်တယ် အိမ်ရှေ့ရောက်တော့
ဖိုးလုံးရဲ့ ထူးထူးဆန်းဆန်းအမူအရာက ပိုသိသာလာတာကိုမြင်လိုက်ရမှ အံ့သြသွားမိတော့တယ် ။

 ဖိုးလုံးက စက်ဘီးပေါ်ကနေ ခုန်ဆင်းလိုက်ပြီးတော့
ချက်ချင်းဆိုသလို သူကနှဖူးတွေ ဦးခေါင်းတွေကို အိမ်ရှေ့က ကွန်ကရစ်လမ်းနဲ့
တစ်ချက်ပြီးတစ်ချက် အရှိန်ကြီးနဲ့ ပစ်ဆောင့်နေလိုက်တာ ခွက်ခနဲခွက်ခနဲ သွေးတွေလည်း
စီးကျလာလိုက်တာ မျက်နာပေးမှာ ရွှဲနေတာပဲ…. ၊ အဲ့လိုလုပ်နေတာကို မြင်မြင်ချင်း အစ်ကိုလုပ်တဲ့
ဖိုးပြုံးက ညီဖြစ်သူကို အဲ့လိုမလုပ်ဖို့သွားဆွဲပြီးတော့ အိမ်ထဲက အဖေနဲကဦးလေးတွေကို
လှမ်းခေါ်လိုက်တယ်….

 “ ဟေ့ယောင် သောက်ရူး မင်းဘာတွေ ရူးရူးမူးမူးလျောက်လုပ်နေတာလဲ
ငါမင်းသောက်ခွက်ကို ပိတ်ထိုးလိုက်ရမလား… ၊ ထစမ်း…. ၊ အဖေရေ….၊
ဦးဝင်းတို့ဦးမြင့်တို့ရေ…အိမ်ရှေ့ကိုမြန်မြန်လာကြပါဦးဗျာ ဒီမှာ အငယ်ကောင်
ဘာတွေဖြစ်နေတာလဲမသိဘူး…ဒီကောင်အမူးလွန်ပြီး ရူးသွားပြီထင်တယ် ”

 ဖိုးပြုံးရဲ့ အော်သံကြောင့် အိမ်ထဲကလူတွေအပြင် အိမ်နီးချင်းတွေပါ ပြေးထွက်လာကြပြီး
ဖိုးလုံးအဖြစ်ကိုမြင်တာနဲ့ တန်းပြီးဝိုင်းဆွဲလိုက်ကြတယ်….အားကောင်းမောင်းသန် ယောကျာ်းကြီး
လေးယောက်လောက် က လူဗလန်လေး ဖိုးလုံးကို ၀ိုင်းထိန်းတာကို မနိုင်ဘူးဖြစ်နေကြတယ် ၊
ဖိုးလုံးက တစ်ချက်ရုန်းလိုက်တာနဲ့ သူ့ကိုတွဲထားတဲ့သူတွေက အတွဲလိုက်ကြီး လိုက်ယိမ်းနေတာကို
မြင်လိုက်ရတော့ အားလုံးက ပို ထိန်လန့်သွားကြတယ် ၊ နောက်တော့ ဖိုးလုံးရဲ့အဖေက
ရပ်ကွက်ထဲမှာ သူ့ဘာသူတစ်သက်လုံးအေးဆေးနေလာရာကနေ အခု မူးမူးရူးရူးဖြစ်နေတဲ့ ဖိုးလုံးကြောင့်
အရက်ကွဲရပြီဆိုပြီး ဖိုးလုံးကို မာန်မဲပြီးပြောလိုက်တယ်

 “ ဟေ့ယောင် ဖိုးလုံး မင်းအခုမရပ်သေးဘူးဆို ငါ့လက်သီးတွေလာတော့မယ်နော်
မင်းအဲ့ကျမှ ငါ့ကိုစိတ်မဆိုးနဲ့ အခုရပ်လိုက်စမ်း ”

 အဖေလုပ်တဲ့သူကအဲ့လိုလည်းပြောလိုက်ရော ဖိုးလုံးက မျက်လုံးတစ်ခုလုံးထူးထူးခြားခြား
နီရဲ့နေရင်းကနေ အဖေကိုတစ်ချက်ကြည့်လိုက်ပြီး သူ့ကိုဝိုင်းချုပ်ထားတဲ့ကြားက ရုန်းပြီး
ခြောထောက်နဲ့ လှမ်းကန်ပါလေရော….

 သားလုပ်တဲ့သူရဲ့မထင်ထားတဲ့အပြုအမူကြောင့် ပိုဒေါသထွက်သွားပြီး
ရှက်ကလည်းရှက်နဲ့ ဖိုးလုံးကို သူ့အဖေက လှိမ့်ထိုးပါလေရော…တစ်ခွက်ခွက်နဲ့
ထိုးနေလိုက်တ မြင်မကောင်းအောင်ပဲ…..ဖိုးလုံးကလည်း ငြိမ်နေတယ်ထင်လို့လား
သူ့အဖေကို အပြန်အလှန်ပြန်ထိုးတာပေါ့….ဘေးလူတွေက ဘယ်လောက်ဆွဲဆွဲ
မရတဲ့အဆုံး မိသားစုပြသနာထဲဝင်မပါချင်တာနဲ့ ဘေးကကြည့်နေတဲ့အဆင့်မှာပဲ
နေနေကြတုန်း ဖိုးလုံးရဲ့အပြုအမူကြောင့် ဖိုးလုံးရဲအစ်ကို ဖိုးပြုံးအပါအ၀င် ၊
ဖိုးပြုံးနဲ့ ဖိုးလုံး  တို့ရဲ့ ဦးလေးတွေကပါ ဖိုးလုံးကို ၀ိုင်းထိုးကြပါလေရော…
လေးယောက်ငါးယောက်လောက်က လူဗလန်လေး ဖိုးလုံးကို ၀ိုင်းထိုးတာကို
ဖိုးလုံးက မျက်နာတစ်ချက်မပျက်တဲ့အပြင် ၀ူးဝူးဝါးဝါးနဲ့ တိရစ္ဆာန်ရိုင်းတစ်ကောင်လိုအော်ဟစ်ရင်း
အပြန်အလှန်ထိုးနေလိုက်တာ အားလုံးအံ့သြနေမိကြတယ် ၊ ဒီဖြစ်စဉ်ကိုကြည့်ပြီး
အိမ်နီးချင်းတွေထဲကအမျိုးသမီးတစ်ယောက်က အခြေအနေတစ်ခုကိုရိပ်စားမိလိုက်ပြီး
ချက်ချင်း ရပ်ကွက်ထဲက အထပ်လမ်းဆရာတစ်ယောက်ကို သွားပင့်လာခဲ့လိုက်တယ်… ၊

 မကြာခင်မှာပဲ အထပ်လမ်းဆရာရောက်လာပြီး အမိန့်ပေးလိုက်တဲ့အခါ

 “ ဟဲ့ မိစ္ဆာကို ဆိုင်ရာက လက်ပြန်ကြိုးတုပ်ထားလိုက်စမ်း….
အိမ်စောင့်နတ်က အိမ်ထဲကို ရိုက်သွင်းပေး…. ”

 ဆရာက ဘယ်လောက်စွမ်းတယ်မသိ ၊ ဖိုးလုံးတစ်ယောက် အပြန်အလှန်ထိုးကြိတ်နေရင်းက
လက်ပြန်ကိုတစ်ယောက်ယောက်က အနောက်ကနေ ချုပ်ပြီးကြိုးချည်လိုက်သလို လက်နှစ်ဖက်လုံးနောက်မှာ
ပူးလျက်သားလေးနဲ့ ဖြစ်နေပြီး အိမ်ထဲကို ၀င်သွားတော့တယ်… ၊ ဖိုးလုံးအနောက်က အထပ်လမ်းဆရာနဲ့
ဝိုင်းကြည့်နေကြတဲ့သူတွေအကုန်လိုက်ပါလာခဲ့ကြတယ် ၊ ဒီအဖြစ်အပျက်တွေကို အားလုံးအံ့သြတကြီး
ဖြစ်နေရတယ်… ဘယ်သူမှ မသိဘူး မမြင်ဖူးကြတော့ ဖိုးလုံးတို့မိသားစုတွေကအစ ထူးဆန်းနေတာပေါ့ ။

 ဦးဆုံး အထပ်လမ်းဆရာက ဖိုးလုံးမိသားစုကို ခွင့်တောင်းတယ်
သူဖိုးလုံးကို ကုသဖွင့်ရနိုင်မရနိုင်ဆိုတဲ့အကြောင်း…မိသားစုက ချက်ချင်း လိုလိုလားလားခွင့်ပြုလိုက်တဲ့အခါ
အထပ်လမ်းဆရာက ဖြစ်ကြောင်းကုန်စင်ကို ဖိုးလုံးရဲ့အစ်ကို ဖိုးပြုံးကိုမေးလိုက်တဲ့အခါ
ဖိုးပြုံးကလည်း ဘယ်ကဘယ်လိုဖြစ်တယ်ဆိုတာ သေချာပြောပြလိုက်တယ် ၊
ဒီအခါမှ ဖိုးလုံးကို အပမှီလာပြီဆိုတာ သိလိုက်ပြီး ဆရာက အေးဆေးတည်တည်ငြိမ်ငြိမ်လေး
ကုသပေးတော့တယ် ၊ ဖိုးလုံးကတော့ ခုနကလိုမဟုတ်ဘူး ဘုရားစင်ရှေ့မှာ သိမ်သိမ်မွှေ့မွှ့လေးနဲ့
ခေါင်းလေးငုံ့ပြီး ငြိမ်သွားပြီ…. ။

 “ မင်းဘယ်သူလဲ..ဘာောကာင့် ဒီ ကယကံရှင်ကို ဒုက္ခပေးနေတာလဲ ”

 ဆရာက မေးလိုက်တော့ အပမှီနေတဲ့ ဖိုးလုံးက ချက်ချင်းပြန်ဖြေတယ်

 “ ကျုပ်တို့က သရဲပ် ကိုယ့်စည်းကိုယ့်ကမ်း ကိုယ်နယ်နဲ့ကိုယ်နေနေကြတာပါ…
ဒါပေမယ့် ဒီကောင်က ကျုပ်တို့အိမ်နေရာမှာ ဒီအမူသမားက စည်းမဲ့ကမ်းမဲ့ အပေါ့လာသွားတယ်
ပြီးတော့ မတောင်းပန်ပြီးထပြန်သွားတာကို ကျုပ်တို့မကျေနပ်ဘူး ၊ နောက်ပြီးပြီး
ကျုပ်တို့ကျွတ်လွတ်ချင်လို့ ဒီကိုလိုက်လာတာ… ၊ ဒီကောင့်ကိုတော့ ကျုပ်သက်ရမှကျေနပ်မယ် ”

 အဲ့လိုပြောလိုက်တော့ ဆရာလုပ်တဲ့သူက ချက်ချင်း

 “ ဆရာကတော့ ဆရာ့လူနာကို ကာကွယ်မှာပဲ…
သူက မင်းတိုကအိမ်နေရာကို မမြင်လို့ မသိလို့လုပ်ခဲ့တာကို မင်းတို့ကလည်းခွင့်လွတ်ပေး ၊
မင်းတို့အိမ်နေရာကို အညစ်အကြေးနဲ့ စည်းကမ်းမဲ့ပြုမူခဲ့တာကို ဆရာ ဒီကာယကံရှင်ကိုယ်တိုင်
မင်းတို့ကျေနပ်တဲ့အထိ တောင်းပန်ခိုင်းမယ်…. ၊ မင်းတို့ကို ကျွတ်လွတ်အောင်လည်း
ဆရာတို့ကူညီပေးမယ် ဟုတ်ပြီလား မင်းတို့က ဘယ်နှစ်ယောက်မို့လို့လဲ… ”

 “ ဆရာကယ်လို့ ဒီကောင့်ကိုမသတ်တော့ဘူး…. ၊
ကျုပ်တို့က မောင်နှမနှစ်ယောက်ပါ .. ဒီနေရာမှာနေနေတာကြာလှပါပြီ
တစ်ခါမှ အမျှအတန်းပေးဝေတာမျိုးမကြုံဖူးခဲ့တော့ ဒုက္ခဆင်းရဲခံနေရပါတယ် ”

 “ ဟုတ်ပြီ ဆရာမင်းတို့ကို ကူညီမယ်ဟုတ်ပြီလား
မင်းတို့မောင်နှမအတွက်ဘယ်လိုတွေ လုပ်ပေးရမလဲ ”

 ဆရာကမေးလိုက်တော့ ဖိုးလုံးကိုဝင်စီးထားတဲ့သရဲက
ပြောပြတယ်

 “ ကျုပ်တို့မောင်နှမနဲ့တစ်ခြားမကျွတ်မလွတ်ကြသေးတဲ့သူတွေအတွက်ရည်စူးပြီး
ဒီနေ့ကနေ ဆယ်ရက်အတွင်းမှာ သံဃာတော်တွေကို ဒီအိမ်မှာပဲပင့်ဖိတ်ပြီး
ကုသိုလ်လုပ်ပေးပါ ၊ အမျှဝေခါနီး ၊ တရားနာခါနီးကျရင်လည်း ကျုပ်တို့မောင်နှမနာမည်ကို
ခေါ်ပေးကြပါ ”

 “ မင်းတို့နာမည်တွေက ဘာတဲ့လဲ … ”

 “ စိုင်းခွန်နောင် နဲ့ နန်းအိန္ဒြာပါ ဆရာ ”

 ပတ်ဝန်းကျင်ကလူတွေကလည်း သူတို့နာမည်တွေကို အမြန်လိုက်မှတ်ပေးလိုက်ကြတယ် ၊

 အဲ့ဒီနောက် ဆရာနဲကစကားနည်းနည်းလောက်ဆက်ပြောပြီးတော့ ထွက်သွားကြတယ်… ၊
ဝင်စီးနေတဲ့ ပရလောကသားထွက်သွားတော့ ဖိုးလုံးတစ်ယောက် သူဘာဖြစ်မှန်းတောင်သူမသိလိုက်ဘဲ
ကြောင်စီစီဖြစ်နေရှာတယ်… ၊
 ဖိုးလုံးကိုဝင်စီးခဲ့တဲ့ ပရလောကသားက သူတို့တွေကိုအမျှမဝေခင်အထိ ဒီအိမ်အ၀င်ဝမှာရှိတဲ့
အိမ်တိုင်နေရာနားကနေ ဘယ်နေရာမှ မခွါဘူးလို့ ပြောထားတာကလည်းရှိပြန်တော့ ကာယကံရှင်မိသားစုတွေ
ကျောချမ်းသွားကြပြီး အားချင်းဆိုသလို ဒီအဖြစ်တွေဖြစ်ပြီးနောက်ပိုင်းနောက်တစ်နေ့မှာတင်
ဘုန်းကြီးငါးပါးပင့်ဖိတ်ပြီး အလှူအသေးစားလေးလုပ် ၊ ဘုန်းတော်ကြီးတွေကို အကျိုးအကြောင်း
လျှောက်တင်ထားလိုက်ပြီး စိုင်းခွန်နောင် နဲ့ နန်းအိန္ဒြာတို့ မောင်နှမအပါအ၀င် မကျွတ်မလွတ်သေးသူအပေါင်း
၊ ၃၁ဘုံသားအားလုံးကို ရည်စူးပြီးအမျှကုသိုလ်ပေးဝေဖြစ်ခဲ့ကြတယ်… ၊ အဲ့ဒီ့နောက်ပိုင်းတော့
ဘာမှထူးထူးခြားခြားဆက်မဖြစ်တော့ဘူး… ၊ ဖိုးလုံးဒဏ်ရာတွေကတော့ တော်တော်လေး
ကုယူလိုက်ရတယ် ….. ၊ နောက်ဆို ဖိုးလုံးလည်း မဆင်မခြင်နဲ့ စည်းမဲ့ကမ်းမဲ့ ဘာကိုမှ
မလုပ်ရဲလောက်တော့တဲ့အထိကို ဖြစ်သွားခဲ့တယ်………. ။

#END

ကြိုးစားပါဦးမည် …
~ မိုးစွေ ~
စာပြီးချိန် - 13.5.2019 ( 8 : 58 Am )

Credit