“ ဘ၀ကူးမကောင်းသူ ”

ဇာတ်လမ်း / စာရေးသူ - “ မိုးစွေ ” ( ဖြစ်ရပ်မှန် )
( စ - ဆုံး )

 ကံကောင်းထောက်မပြီး လူ့ဘုံ လူ့ဘ၀မှာ လူဖြစ်ခွင့်ရလာခဲ့တာတောင်
ငွေတွေကုန်းရုန်းရှာလိုက် ၊ မတရားမှုတွေလုပ်လိုက် နဲ့ အချိန်တွေကုန်မှန်းမသိကုန်လာပြီးနောက်
လူသားတိုင်းရဲ့ နိဂုံးဖြစ်တဲ့ သေရွာကိုသွားရတဲ့အခါမှ နောက်တတွေကိုရင်မှာပိုက်ပြီး အသက်ရှင်ခွင့်ရတုန်းက
လုပ်ခွင့်ရခဲ့တဲ့အခါတုန်းက လုပ်နိုင်တဲ့အရာတွေ ၊ ကောင်းမှုတွေ ၊ သံသရာတစ်လျောက်လုံး
ကိုယ့်နောက်ကို အမှန်တကယ်ပါလာမယ့် ဒါန ၊ သီလ ၊ ဘာဝနာဆိုတဲ့ တရားတွေကို မကျင့်သုံး
မလိုက်နာခဲ့ရလေခြင်းဆိုတဲ့ ဖြစ်ရလိမ့်မယ်… ၊ နောင်တဆိုတဲ့အမျိုးကလည်း နှောင်းသွားတဲ့အခါမှ သိ..
နောင်မှ ပြန်လိုချင်တဲ့သဘောမဟုတ်လား… ၊ တကယ်တမ်း ကိုယ့်ကို ကယ်တင်နိုင်တဲ့အရာ
အစစ်အမှန်က ဘာလည်းဆိုတာကိုသည်သည်းကွဲကွဲသိခဲ့တဲ့အချိန် မနှောင်းဖို့ အရေးကြီးပါတယ် ၊
ဒါ့ကြောင့် ဆရာတော်တွေအမြဲဟောပြောကြတာလေ… အသေမဦးခင် ဥာဏ်ဦးအောင်လုပ်ပါဆိုတာ ၊
ကိုယ်ချစ်တဲ့အရာတွေက ကိုယ်လူဖြစ်တုန်း ခဏတာပိုင်ဆိုင်ခွင့်ရတဲ့ အငှားအရာတွေပါပဲ ၊
အိုးအိမ် ၊ ချစ်သူ ၊ သား၊မယား .. ကုန်ကုန်ပြောရရင် ကိုယ်ပိုင်တဲ့ ခန္ဓာကိုယ်ကအစ
ခဏတာ အငှားရထားတဲ့အရာကြီးတစ်ခုအပြင်မပိုခဲ့ပါဘူး….. ။

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

 စစ်ကိုင်းတိုင်းဒေသကြီး ၊ မြောင်မြို့နယ် ရှိ ရွာငယ်လေးတစ်ခုတွင်ဖြစ်သည် ။
 ရွာကလေးမှာ အိမ်ခြေ ၄၀၀န်းကျင့်ခန့်သာရှိသည် ၊ ရွာငယ်လေးစာရင်းဝင်သည်ဟုဆိုရပေမည် ။
ရွာကလေးရှိ နေထိုင်သူများမှာ အခြာဒေသများနည်းတူ စိုက်ပျိုးရေးကိုဦးစားပေးလုပ်ကိုင်လျက်ရှိကြပြီး
ရွာနံဘေးတွင် ကပ်လျက် စီးဆင်းလျက်ရှိသော မြန်မာပြည်ကြီး၏ မိခင် ဧရာဝတီမြစ်ကြီးကို အမှီပြုလျှက်
ရေလုပ်ငန်းလုပ်ကိုင်သူအနည်းအကျဉ်းလည်းရှိကြသေးသည် ။ မြေခံရေခံကောင်းမွန်ပြီး အိမ်ခြေနည်း၍
ရွာပန်ဝန်းကျင်မှာ မြစ်ကြီးတစ်စင်းနှင့်အတူ သစ်ရိပ်ဝါးရိပ်များ ၊ သစ်ပင်ကြီးငယ်များ
သဘာဝစိုက်ခင်းများနှင့် လွန်စွာ သာယာလှသောရွာငယ်လေးပင် ။

 ထိုမျှသာယာပြီး ပြသနာတစ်စုံတစ်ရာတစ်ကြိမ်တစ်ခါမျှမဖြစ်ခဲ့ဖူးသည့်ရွာကလေးတွင်ပင်
မကြာသေးမှီက ကြောက်မက်ချောက်ချားဖွယ်အိပ်မက်ဆိုးဆန်ဆန်အဖြစ်ကြီးတစ်ခု ဖြစ်သွားခဲ့သေးသည် ။
 ဖြစ်စဉ်တစ်ခုလုံး၏ နိဒါန်းမှာ ရွာကလေးရှိ ဦးဘိုးကြိုင် ဆိုသူကြီးထံမှ စတင်သည်ဟု အတပ်ဆိုရပေလိမ့်မည် ။

 ဦးဘိုးကြိုင်ဆိုသူမှာ ရွာကလေးမှာပင်မွေး ရွာကလေးမှာပင်ကြီးလာသူတစ်ဦးဖြစ်သည် ၊
လူချမ်းသာတစ်ဦးမဟုတ်သော်လည်း စုထားဆောင်းထားတတ်သဖြင့် အနေအထားတစ်ခုတော့ရှိသည် ၊
ရွာ၏ စံပြဟုဆိုရပေမည် ၊ စံပြဟုဆိုရာတွင် ကောင်းသည့်နေရာဟုမထင်လိုက်လေနှင့်… ၊ သူများတွေလို
သောက်လိုက်စားလိုက် ၊ မူးရူးသောင်းကြမ်း ၊ ရပ်ကျော်ရွာကျော် မိုက်ကန်းနေသူကိုမှ လူမိုက်ဟု ဆိုနိုင်ခြင်း
မဟုတ် ၊ ဦးဘိုးကြိုင်မှာ ထိုသို့ မိုက်သူမဟုတ်...၎င်းမှာ တစ်ကိုယ်ရည်စာ တစ်အိပ်ထောင်စာအတွက်သာ
မိုက်မဲသူတစ်ယောက်ဖြစ်သည် ၊ လောဘအင်မတန်ကြီးသလို ၊ အခြားသူများဆီမှ အလကားလိုချင်သည့်စိတ်
အခြားသူများအပေါ် မနာလိုစိတ်လည်းအပြည့်ရှိပြီး ကောက်ကျစ်သည့်စိတ်ထားရှိသည် ၊ ဘုရားတရားကိုလည်း
အယုံအကြည်မရှိ ၊ မွေးကတည်းက လှူရ တန်းရ ပေးရ ကမ်းရမည်စိုးသောကြောင့် တစ်ကြိမ်တစ်ခါမျှ
ဘုန်းကြီးကျောင်းပင် မသွားခဲ့သူ ၊ ငယ်စဉ်ကတည်းက ကျွဲကျောင်း နွားကျောင်းသွားတိုင်းလိုလို အခြားသူများ၏
ပဲစိုက်ခင်း ၊ ပြောင်းစိုက်ခင်း ၊ စသည့် စိုက်ခင်းများမှ ပဲများ ၊ ပြောင်းဖူးများကို ခိုးယူတတ်သူတစ်ယောက်
ဖြစ်သည် ၊ ရပ်ရေးရွာရေး အလှူကိစ္စဆိုလျှင် အကြောင်းအမျိုးမျိုးပြကာ ရှောင်နေတတ်သူလည်းဖြစ်သည် ၊
အိမ်ခြေ ၄၀သာရှိသည့် ရွာကလေးရှိ ရွာသူ ၊ရွာသားများအားလုံးမှာ ဦးဘိုးကြိုင်၏ အကျင့်ကို
သိပြီးဖြစ်သောကြောင့် မိမိတို့စိုက်ခင်းမှ ခိုးယူ ၊ ပျောက်ဆုံးမှုတစ်ခုခုရှိလျှင်လည်း ဦးဘိုးကြိုင်ဟု
အတပ်သိနေပြီးသားဖြစ်လေသည်…သို့သော် အားလုံးမှာ ဦးဘိုးကြိုင်ကဲ့သို့ စိတ်ထားမရှိကြချေ
တစ်ရွာတည်းသားချင်းမို့ ယူချင်ယူပါစေ အလှူဟုသာ သဘောထားပေးကြသည် ၊ ဦးဘိုးကြိုင်ကြီး
ကပ်စေးနည်းမှန်းလည်းသိကြသောကြောင့် အလှူအတန်းကိစ္စဆိုလျှင်လည်း ဦးဘိုးကြိုင်ထံ မည်သည့်အခါမျှ
အလှူမခံဖြစ်ကြတော့… ၊ ဒါတင်ပဲလားဆိုလျှင်မဟုတ်သေး… ဦးဘိုးကြိုင် အိမ်ထောင်ကျပြီးနောက်
သားသမီး မိန်းကလေးနှစ်ယောက် ထွန်းကားခဲ့သေးသည် ၊ အမျိုးသမီးမှာ ရောဂါတစ်ခုနှိပ်စက်သဖြင့်
ငယ်ငယ်ရွယ်ရွယ်မှာပင် ကွယ်လွန်သွားရှာပြီး ဦးဘိုးကြိုင် နှင့်အတူ သမီးနှစ်ယောက်သာ ကျန်ရစ်ခဲ့ကြသည် ၊
သမီးနှစ်ယောက်မှာလည်း ဖခင်ခြေရာနင်းကြသူများပင်… ၊ အပြောအဆို ကြမ်းတမ်းမောက်မာကြပြီး
ဖခင်ကဲ့သို့ စရိုက်မျိုးရှိကြသဖြင့် အသက်ကြီးသည့်တိုင် ၎င်းတို့အား ကြိုက်ဝံ့သူမရှိသဖြစ်
အပျိုကြီးပင်ဖြစ်နေကြပြီ ၊ တစ်ရွာလုံးက ဦးဘိုးကြိုင်တို့ မိသားစုကို ချဉ်ကြသည် ၊
မကောင်းတတ်လို့နှုတ်ဆက်လိုက်သည်ကလွဲ၍ ရှောင်ဖယ်ကြသည် ၊ လူမြင်လျှင် ပိုက်ဆံချေးမှာစိုးနေတတ်သူ
ဦးဘိုးကြိုင်တို့မှာလည်း တစ်ရွာလုံးက ရှောင်နေကြသည်ကိုပင် ကျေနပ်နေကြသည် ။

 ဒီလောက်နှင့် ဦးဘိုးကြိုင်တို့ စရိုက်ဆိုးများအကြောင်းအဆုံးသတ်ပြီဟုမထင်လေနှင့်…..

 “ အဖေ…..ဘေးအိမ်ကလူတွေအိပ်နေလောက်ပြီ…လှုပ်ရှားလို့ရပြီ ”

 သမီးအကြီးစကားကြောင့် ဦးဘိုးကြိုင် မျက်ဝန်းများဝင်းလက်လာပြီး လှဲလျောင်းနေရာမှ
ဆက်ခနဲ ထလိုက်ရင်း သမီးငယ်ကိုလည်း နှိုးလိုက်ပြီးနောက် သားအဖသုံးယောက်သား
မြေသယ်သည့် စကောများ ၊ လိလတ်မြေ အိတ်ကြီးများအား ယူပြီးနောက် အိမ်နောက်ရှိ
အခြားများပိုင်သော ယာခင်းများထဲ ခိုးဝင်သွားကြသည် ၊ ယာခင်းထဲသို့ရောက်လျှင်ရောက်ချင်း
မြေများမို့နေသည့်နေရာများမှ မြေကြီးများအား သယ်နိုင်သလောက်သယ်ယူလျှက်
အိမ်အတွင်းသို့ တစ်ကြိမ်ပြီးတစ်ကြိမ် ပို့လေသည် ၊ လောဘဇော…အခြားသူပိုင်သည့်အရာအား
အချောင်မတရားလိုချင်သည့်စိတ်ဖြင့် အသက်အရွယ်ထောက်နေသည့်တိုင် မောလို့မောမှန်းပင်မသိ ၊
ထိုသို့ခေါက်တုန့်ခေါက်ပြန် မြေကြီးများ ခိုးယူ သယ်ယူပြီးနောက် ပင်ပန်းသွားသဖြင့်
ချွေးတလုံးလုံးထွက်နေသည့်ကြားမှ သားအဖ သုံးယောက်သား အောင်မြင်သူများပီပီ
ပျော်ရွှင်မြူးနေပြီး အိပ်ယာဝင်ဖြစ်ခဲ့ကြသည် ၊ အမှန်တွင် အကုသိုလ်များအား အခြားသူမှမပေးဘဲ
တကူးတက ယူနေမိသည်ကို အမှောင်ဖုံးနေသူများမို့ မမြင်နိုင် ။

 လမင်းကြီးပင်လျှင် ထိုမိသားစုအားကြည်ပြီး စိတ်ပျက်သွားဟန်ဖြင့်
ကွယ်လျှိုသွားပုံရသည်… ၊ ရွာငယ်လေးမှာ အမှာင်ထုကြီး ကြီးစိုးလို့….. ။

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

 “ မိန်းမရေ……ဟဲ့မိန်းမ လှခင် ကြည့်စမ်း…ငါ့ယာခင်းထဲမြှ
ဒီနားက မြေစာပုံတွေ အခုမရှိတော့ဘူး…. ”

 နံနက်ခင်း၏ ကျေးငှက်များအော်မြည်သံအစား ယောကျာ်းဖြစ်သူ
ကိုချစ်မောင်၏ ဒေါသတကြီးအော်ဟစ်သံကြောင့် လှခင် အိမ်နောက်ဖေးမှ
ယာခင်းထဲ အပြေးသွားကြည့်မိသည် ၊ အမှန်ပင် မြေစာပုံများ မရှိတော့…

 “ ဟင်…. ”

 “ ဒါ….ဟို အသက်ကြီးပြီးအချိန်မစီးကြတဲ့သားအဖသုံးယောက်လက်ချက်ပဲ
သေချာတယ် လှခင် သူတို့အိမ်ထဲသွားရှာပြီး တွေ့လို့ကတော့ ဓါးနဲ့ပဲ ဆက်စကားပြောတော့မယ် ”

 “ အဲ့လို မလုပ်ပါနဲ့ ကိုချစ်မောင်ရယ် သူ့အလွန်က ကိုယ့်အလွန်ဖြစ်နေပါမယ်
သူတို့ယူတယ်မယူဘူးဆိုတာသေချာတာလည်းမဟုတ်ဘူး… ကဲ..ခိုးတယ်ပဲထားဦး…
ကျွန်မတို့အတွက် အထူးအဆန်းမှမဟုတ်တော့တာပဲ…. သူတိုကအိမ်နောက်တည့်တည့်မှာ
ကိုယ်တွေ ယာခင်းဖြစ်နေတာကိုက ကံစဆိုးတာပဲမို့လား…ခါတိုင်းလည်း ဟိုပျောက်ဒီပျောက်
ခိုးခံရနေကျပဲ….ကိုချစ်မောင်ရယ်…အကုသိုလ်မများပါနဲ့….ရွှေ ၊ ငွေ ၊ ကြက် ၊ နွားတွေကို ..ခိုးယူတာမှမဟုတ်
သူတို့လိုအပ်လို့ယူတာ ယူပါစေ…..ဒါတို့တွေမိသားစု အလှူပေါ့…. ၊ အကောင်းမြင်ပြီး
လှူတယ်လို့သဘောထားလိုက်ပါ…ရွာဦးကျောင်းက ဦးဇင်းပြောသလိုပဲ သူကအမှားက ကိုယ့်အမှားဖြစ်မယ်
အကုသလိုမယူတော့ဘဲ မေတ္တာပွားလိုက်ကြရအောင်..ကဲကဲလာပါ ယောကျာ်းရယ်…. ”

 အထိန်းအကွပ် တော်သည့် လှခင်ကြောင့် ကိုချစ်မောင် ဒေါသကိုမျိုချလိုက်ပြီး
ပေစောင်းစောင်းဖြင့် အိမ်ထဲဝင်သွားလေသည် ၊ ပြောလို့သာပြောလိုက်ရတာ…လှခင်ကိုယ်တိုင်ပင်
သိပ်ကျေနပ်လှသည်မဟုတ်… ၊ နှစ်ပေါင်းများစွာ ခံလာပြီးမှတော့ မထူးတော့ပါဘူးလေ…
ဆပ်စရာအကျွေးတွေပါလာလို့ ဆပ်တယ်ပဲသဘောထားပါတယ်ဆိုတဲ့စိတ်နဲ့ အိပ်နီးချင်း အချင်းချင်း
မျက်နာမျပက်လို၍ လှခင် သည်းခံနေခြင်းပင် ….. လှခင် စိတ်ဖြေသည့်အနေဖြင့် တရားသံပေါက်လေးတစ်ခုကို
တိုးတိုးလေးရေရွတ်လိုက်ရင်း ကိုချစ်မောင်နောက်လိုက်သွားခဲ့တော့သည် ။

 “ ပြုသူအသစ်….ဖြစ်သူအဟောင်း …သံသရာကြွေးတွေ ကြေပါစေ…. ”

 ဦးဘိုးကြိုင်တို့ အိမ်ဝိုင်းထဲမှာတော့ မြေခဲမှား မြေစာများ ပြည့်လျံနေပြီး
တစ်အိမ်လုံး မြေများ မို့နေအောင် ဖို့ထားလျက် ပျော်ရွင်နေကြသည် ။

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

 မြန်မာ့ စာပေများထဲတွင် သေဆုံးသည်ကို ထိုသေဆုံးသူ၏
ဂုဏ်အရည်အချင်းကို ကြည့်လျက် အမျိုးမျိုး စကားလှအောင် သုံးနှုန်းတတ်ကြသည် ၊
မြန်စွာဘုရားရှင် ဆိုလျှင် ပရိနိဗ္ဗာန်စံတော်မူသည် ၊ ရဟန်း သံဃာတော်များဆိုလျှင်
ဘ၀နတ်ထံပျံတော်မူသည် ၊ ဘုရင်၊မိဘုရားများ ဆိုလျှင် နတ်ရွာစံသည် ၊ လူများဆိုလျှင်
ကွယ်လွန်သည် ၊ တိရစ္ဆာန်များဆိုလျှင် သေဆုံးသည်ဟု သုံးနှုန်းတတ်ကြသည် ။
မည်သို့ပင်ဆိုစေကာမူ ဘ၀ဟောင်းမှ ဘ၀သစ်သို့ ကူးပြောင်းသွားခြင်း
ဘ၀ကူးသွားခြင်းပင်မဟုတ်လော… ၊ မြတ်စွာဘုရာရှင်ကိုယ်တော်မြတ်ကြီးနှင့်
ရဟနာအရှင်သူမြတ်များ ၊ ဥာဏ်ပညာအသီးသီးရရှိပြီးဖြစ်ကြသည့် သူတော်စင်
သူတော်မြတ်များမှလွဲ၍ နိဗ္ဗာန်လက်မှတ်ကို သေချာစွာ မရကြသေးသူများအဖို့
သေခြင်းရှင်ခြင်းဆိုသည့် သံသရာဝဲထဲတွင် တစ်ဘ၀ပြီးတစ်ဘ၀…အကြိမ်ကြိမ်
မရပ်မနား လည်ပတ်နေရဦးမှာအမှန်ပင်… ၊ နိဗ္ဗာန်သို့ မရောင်မှီ သံသရာတစ်လျောက်
နိဗ္ဗာန်ရကြောင်းအထောက်အပံ့ဖြစ်စေမည့်တရားများ ၊ ကုသိုလ်များအား နိုင်သမျှ
လုပ်ဆောင်သွားသင့်သည်ကို သိသူများရှိသော်လည်း ၊ ဖြစ်လေရာဘ၀မှာ
အဆိုးဆုံးဆိုသည်များ ၊ အမှားကိုအမှန်ထင် ၊ ဒုက္ခကို သုခဟု ထင်မှတ်ကာ
ပျော်နေကြသူများလည်ရှိကြသည် ၊ မည်သို့ပင်ဖြစ်စေ ကိုယ်စိုက်ပျိုးသမျှမျိုးစေကြောင့်
ဖြစ်လာမည့် အပင်မှ အသီးအပွင့်အား ကိုယ်တိုင်ပင် စားသုံးရမည်မှာ
လောက အမှန်တရားပင်ဖြစ်ချေသည် ။

~~~~~~~~~~~~~~~~~~~~~~~~~~~~~~~~~~~~~~~~~~~~

 လူတစ်ယောက်သည် မျက်စိတစ်မှတ်အတွင်း အရာရာပျောင်းလဲသွားနိုင်သည် ၊
မနက်ဖြန်ရှိနေသမျှ ကြိုးစားခွင့် အခွင့်အရေးရှိနေသော်လည်း မနက်ဖြန်မရှိတော့သည့်အခါ
မည်သို့ပြုနိုင်ဦးမည်နည်း…. ။

 သူတစ်ပါးအသက် သတ်ဖြတ်ညှင်းဆဲခြင်းမရှိသော်လည်း အကုသိုလ်ကြီးလှသည့်
ဦးဘိုးကြိုင်အတွက်လည်း မနက်ဖြန်ပေါင်းများလာခဲ့ရာမှ….ဘ၀တစ်ခုနိဂုံးချုပ်ရတော့မည့်နေ့သို့ပင်
ရောက်လာခဲ့ပြီ…. ။

 အကုသိုလ်ဖိစီးမှု ၊ ဒါန ၊ သီလ ၊ ဘာဝနာ ၊ တစ်ခုတစ်လေမှ
ပြုခဲ့ခြင်းမရှိသည် ၊ ဘုရားမသိ ၊ တရားမသိ ၊ ကုသိုလ်မရှိသူမို့ နောက်ဆုံးခရီးမတိုင်ခင်
ခံစားရသည့် ဝေဒနာများမှာ ကြောက်ခမန်းလိလိ… ၊ အသက်ပင် ညှင်ညှင်သာသာ
မထွက်နိုင်… ၊ ရောဂါဝေဒနာ ဖြစ်လာပြီဆိုကတည်းက ဦးဘိုးကြိုင်၏ခြေရာနင်းထားသူ
သမီးနှစ်ယောက်မှာလည်း ငွေကြေးကုန်ကျမည်စိုးသောကြောင့် ဖခင်အား ဆေးကုသပေးခြင်းမရှိ
သေမည့်နေ့ကိုသာ ထိုင်စောင့်ပေးနေကြသည် ၊ ဦးဘိုးကြိုင်မှာ တစ်ရက်ထက်တစ်ရက်
ရောဂါဖိစီးလာမှုကြောင့် အိပ်ယာထဲမှပင်မထနိုင်တော့ပဲ ညတိုင်း ထိတ်လန့်ဖွယ်ရာများကိုသာ
အကြိမ်ကြိမ် ဟော်ဟစ်နေလေသည် … ၊ ဦးဘိုးကြိုင်ကြောင့် အိမ်နီးချင်းများပင် အိပ်ကောင်းခြင်း
မအိပ်နိုင်ဘဲ ဦးဘိုးကြိုင်၏ ကြောက်လန့်ဖွယ်ရာ အော်သံကြားတိုင်း သံဝေဂရနေမိကြသည် ။

 နောက်ဆုံး ဦးဘိုးကြိုင်သေဆုံးခါနီးအချိန်ပိုင်းရောက်လာခဲ့တော့သည် ၊
ထိုအချိန်တွင် ဦးဘိုးကြိုင်အနီးတွင် အမျိုးအဆွေများ ရပ်ရွာမှလူများအပြင် သမီးအပျိုကြီး
နှစ်ယောက်လည်းရှိနေကြသည် … ၊ ရပ်ရွာမှ စေတနာဖြင့် ကုသပေးသည့် တိုင်းရင်းဆေးဆရာကြီးမှ
အခြေအနေကို ပြောပြီးဖြစ်သောကြောင့် လူတိုင်းမှာ ဦးဘိုးကြိုင်သေမည်ကိုသာ စောင့်နေကြခြင်းပင်… ၊
ဖခင်အရင်းဝေးနာဖိစီးနေသည်ကိုပင် သမီးနှစ်ယောက်မှာ စိတ်မ၀င်စားဟန်ဖြစ်နေသည်ကို
တစ်ရွာလုံး အံသြရသည့်ကိစ္စတစ်ခုပင် ။

 “ ကယ်ကြပါဦးဗျာ…ကျွန်တော် မှားပါပြီ…နောင်တရပါပြီ..တောင်းပန်ပါတယ်…
အား..ခွေးနက်ကြီးတွေ..မလာနဲ့မလာနဲ့သွား…အား… ကယ်ကြပါဦး
ငါ့ကိုခွေးနက်ကြီးတွေလာဆွဲနေကြတယ်…မလာနဲ့ သွား..သွား..
သမီးကြီးရေ…သမီးငယ်ရေ…အဖေ့ကိုကယ်ပါဦး…ခွေးကြီးတွေ…ခွေးနက်ကြီး..အား… ”

 အိပ်ယာထဲတွင် သေးရူးသေးတန်းဖြင့် အော်နေလေသည် ၊
ညကြီးအချိန်မတေ်ာဖြစ်သောကြောင့် ဦးဘိုးကြိုင်အဖြစ်မှာ သနားစရာလည်းကောင်း
သံဝေဂရစရာလည်းဖြစ်သလို ချောက်ချားစရာလည်းကောင်းနေပြန်သည် ၊
တစ်ရွာလုံးရှိ ခွေးများမှာလည်း ထူးထူးဆန်းဆန်းကြက်သီးမွှေးထလောက်အောင်
ဦးဘိုးကြိုင်၏ အိမ်ရှေ့ကိုသာ ထိုးဟောင်လိုက် အူးလိုက်လုပ်နေကြသည် ။
ထိုစဉ်မှာပင် ထူးခြားသည်က ဦးဘိုးကြိုင်အိပ်ယာနေရာနားရှိ နံရံအား အိမ်အပြင်မှ
တစ်စုံတစ်ယောက်က လက်နဲ့ ခပ်ကြမ်းကြမ်းပုတ်လိုက်သည့် အသံကို
အိမ်ထဲရှိလူများအားလုံးကြားလိုက်ရသည် ။

 “ ဘုတ်ဘုတ်ဘုတ် ”

 အိမ်အပြင်မှာလည်းလူတစ်ယောက်မျှမရှိသည်ကိုသိပြီးဖြစ်သော်လည်း
အစအနောက်သန်ပြီး အကြောက်အလန့်မရှိသူ ဦးဘိုးကြိုင်၏ဆွေးမျိုးနီးစပ် တူ တော်သူက
အိမ်တွင်းမှ ဆဲဆိုလျက် ထိုနေရာကိုပင် လက်နဲ့ပြန်ပုတ်လိုက်သေးသည်… ၊ ထိုအပြုမူကြောင့်
အားလုံးကြောက်လန့်နေကြပြီးတစ်ချို့လူကြီးများမှ ထိုလူငယ်အား ဆူငေါက်ကြသေးသည် ။

 တစ်ပြိုင်တည်းဆိုသလို အိပ်ယာပေါ်တွင်အော်ဟစ်နေသည့် ဦးဘိုးကြိုင်မှာ

 “ ပူတယ်….ပူတယ်…. ပူလိုက်တာ..လောင်လိုက်တာ ကယ်ကြပါဦး ” ဟု
ငယ်သံပါအောင်အော်နေရင်း သူ့မျက်နာ ပူလောင်လွန်းလို့ထင်သည် မျက်နာနေရာအား
ခါးမှ ပုဆိုးစဖြင့် ဆွဲအုပ်လိုက်လေသည် ၊ ထိုအပြုအမူကြောင့် ဦးဘိုးကြိုင်၏ အောက်ပိုင်းမှ
မမြင်အပ်သည့်အရာများ ပေါ်သွားလေရာ….လူအများရှေ့တွင်ဖြစ်နေသဖြင့် သမီးဖြစ်သူ
အပျိုကြီးနှစ်ဦးမှာ ဖခင်သေခါနီးအချိန်မှာပင် ရှက်ရှက်ဖြင့်ဒေါသတကြီး အော်ငေါက်လိုက်ကြသေးသည် ။
 “ ဟာ..ဒီအဘိုးကြီး သောက်ရှက်လည်းမရှိဘူး သေခါနီးမှ
ဟိုဆွဲဒီဆွဲနဲ့….ဘာဖြစ်နေတာလဲ ” စသဖြင့် ရေရွတ်နေကြသေးသည် ၊
ထိုအဖြစ်အားမြင်နေရသူ ရွာသားများမှာလည်း ထိုအပျိုကြီးများရိုင်းဆိုင်းတတ်မှန်းသိပြီးဖြစ်၍
မည်သို့မျှဝင်မပြောကြ ၊ သားသမီးများမှာလည်း မိဘကျေးဇူးဆိုသည်မှာ ချိုနှင့်လားဟု
ပြန်မေးမည့်သူများဖြစ်ကြောင်းရပ်ရွာမှသိနှင့်ပြီးမဟုတ်လား ၊ သေခံနီးလူတစ်ယောက်အနားတွင်
ဘ၀ကူးကောင်းစေရန် ဘုရားတရားသံများအစား ၊ ဆဲဆိုသံများ မိုးမွန်နေသည်ကို
မကြည့်ဝံ့သူ ရပ်ရွာမှ သက်ကြီးအိုကြီးတစ်ဦးမှ ရွာသားတစ်ဦးအား ရွာဦးကျောင်းဆရာတော်ကို
သွားပင့်ခိုင်းလေသည် ၊ မကြာခင် ဆရာတော် ကြွလာပြီးနောက် သေခါနီးဖြစ်နေသည့်
ဦးဘိုးကြိုင်ကို နားဝင်သလောက် ထိရောက်သည့်တရားများဟောကြားပေးသည် ။

 “ ဒကာကြီး မြတ်စွာဘုရားကိုအာရုံပြုထား ဦးဇင်းပြောတာကို
သေချာနှလုံးသွင်း ”

 “ တည့်တော် ဘုရားကိုမမြင်ရဘူး ဘုရား…ခွေးနက်ကြီးတွေ
တပည့်တော်ကို ၀ိုင်းဆွဲနေကြတယ် အရှင်ဘုရား ကယ်ပါဦးဘုရား ”

 ဦးဘိုးကြိုင် ပြန်ဖြေလိုက်သည့်စကားကြောင့် လူအားလုံး
စိတ်ထဲတွင် တစ်မျိုးတစ်ဖုံ ခံစားလိုက်ရပြီး ဦးဇင်းကိုယ်တိုင်ပင်
အံသြကြီးစွာ ဖြစ်နေရပြီး ခေါင်းကိုတွင်တွင်ခါလျက် မေတ္တာသုတ်တော်နဲ့
ဘုရားဂုဏ်တော်များကိုသာ ပွားများပေးနေမိသည် ၊ စက္ကန့်ပိုင်းတွင်းမှာပင်
အော်ဟစ်နေရင် ဦးဘိုးကြိုင်တစ်ယောက် ဘ၀ကူးသွားလေတော့သည် ။

 ကွယ်လွန်ပြီးပြီးချင်း အလောင်းမှာ ရုပ်ပျက်ဆင်းပျက် မျက်လုံးကြီးပြူး
ပါးစပ်ကြီးဟ လျှာကြီးထွက်လို့… ၊ ထိုပုံအား မနည်းဝိုင်းပြန်ပြင်ပေးရသေးသည် ၊
အလောင်းကိုလည်း သုံးရက်ထားမည်ဟု ဆုံးဖြတ်ထားသော်လည်း သေပြီးကတည်းက
ကျောက်ဖရုံသီးပင် မနိုင်တော့သည့် အပုပ်နံ့ဆိုးကြီးမှာ ပတ်ဝန်းကျင်မှလူများပင်
အစားအသောက်ပျက်စေသောကြောင့် တစ်ရက်သာထားပြီး တစ်ရက်ပြည့်သည့်နေ့မှာပင် အလောင်း
မြေချလိုက်ကြရသည် ။

 ဦးဘိုးကြိုင် ဇာတ်လမ်းမှာ ထိုမျှနှင့်မပြီးသေး…..
ရွာငယ်လေးအား အိပ်မက်ဆိုးများဖြစ်စေသည့်ဇာတ်လမ်းမှာ ယခုမှ အစပြုခြင်းပင် ။

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

 အလောင်းမရှိတော့သော်လည်း ရက်လည်သည့်နေ့အား အိမ်သားများနှင့်အတူ
ဝိုင်းစောင့်ပေးရင်း ၊ အသုဘ ကူငွေများရလာစေရန်ရည်ရွယ်ကာ ရွာဓလေ့ ဖဲဝိုင်းများဖြင့်
နာရေးအိမ်မှာ စည်ကားနေလေသည် ၊ တနည်း မစည်ကားသင့်သည့်အရပ်တွင် စည်ကားနေခြင်းမည်သည် ။
ထိုသို့ပျော်ပျော်ရွှင်ရွှင် နာရေးအိမ်အတွင်းဖဲကစားနေကြစဉ် ညဘက်တိတ်ဆိတ်နေသည့်ရွာကလေးမှာ
ရုတ်တရက် ငိုချလိုက်သလို ရွာအ၀င်လမ်းမှစပြီး တစ်ရွာလုံးရှိ ခွေးများမှာ ဦးဘိုးကြိုင်၏ နာရေးအိမ်နေရာသို့
စူးစူးဝါးဝါး ထိုးအူလိုက် ဟောင်လိုက်လုပ်နေကြသည်… ၊ ရုတ်တရက်ဖြစ်လာသည့်အဖြစ်ကြောင့်
နာရေးအိမ်တွင်းမှ ဖဲကစားနေသူများကို ကျောချမ်းသွားစေသည် ၊ အားလုံး၏အကြည့်များမှာလည်း
ခြံတံခါးဖွင့်ထားသည့် နာရေးအိမ်အ၀င်ဝနေရာကို ကြည့်နေမိသည် ၊ ကြည့်နေရင်းဖြင့် တစ်စုံတစ်ရာ
ပြေးဝင်လာပါက ထွက်ပြေး၇မည့် ပြေးပေါက်များကိုလည်း ကြည့်နေကြသည် ၊ အသားချင်းလည်း
ကပ်ထားနှင့်ကြသည် ။

 ဖဲကစားနေသူများအားလုံး တိတ်ဆိတ်ကာ အိမ်ရှေကို အာရုံထားပြီး ၀ိုင်းကြည့်နေတုန်း
အိမ်နောက်မှ….

 “ ၀ုန်း ” ဆိုသည့် အိမ်နံရံအား တစ်စုံတစ်ယောက်မှ လက်ဝါးဖြင့် ပိတ်ရိုက်လိုက်သည့်
အသံမျိုးကြားလိုက်တော့သည် ၊ အသံကြောင့်အချို့မှ လန့်ပြီး ထခုန်ကြသလို အချို့မှာ ထွက်ပြေးရန်ပင်
ပြင်ပြီးဖြစ်နေကြသည်… ၊ ထိုစဉ် ကာလသခေါင်မှာ အားလုံးအား မကြောက်ကြရန်နှင့် လူစုမကွဲရန်… ၊
နာရေးအိမ်ရှိ မိသားစုများအား မချန်ခဲ့ဘဲ ၀ိုင်းဝန်းစောင့်ရှောက်သင့်ကြောင်း ပြောသဖြင့် ပြေးဖို့ပြင်နေကြသူများ
ပြန်ထိုင်ကာ ကျောမလုံမလဲဖြစ်လျှက် တစ်ညတာ ကုန်ဆုံးစေရသည် ၊ ဦးဘိုးကြိုင်၏သမီးနှစ်ယောက်မှာလည်း
အဖေ သေသွားမှ ငိုလျှက်အော်ပြောလိုက်သေးသည် ….

 “ အဖေရယ် မခြောက်ပါနဲ့ သမီးတို့တောင်းပန်ပါတယ်…အီးဟီး… ”

 ဒီလိုနဲ့ တစ်ညပြီးတစ်ည ရက်လည်သွားသည့်တိုင်အောင်
နည်းမျိုးစုံဖြင့် အသံပေးခြောက်လန့်ဆဲပင်… ၊ ကြာလာတော့ လူများအားလုံး
ဦးဘိုးကြိုင်ခြောက်လန့်သည်ကို များစွာမတုန်လှုပ်ကြတော့ ၊ ဦးဘိုးကြိုင်အိမ်ကိုလည်း
ပိုမို ရှောင်ကွင်းဖြစ်ကြသည် ။

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

 လပေါင်းများစွာ ကြာမြင့်လာပြီးနောက်….

သူတို့ရွာကလေးနှင့် ခပ်ဝေးဝေးရှိရွာမှ ဦးဘိုးကြိုင်တို့နှင့် အမျိုးနီးစပ်သူ
ကျော်သိုက်ဆိုသူသည် ခရီးလွန်လာရာမှ ညနေ မှောင်ရီဝေလာဖြင့် ရွာအပြန်လမ်းမှ
အနီးဆုံးဖြစ်နေသည့် ဦးဘိုးကြိုင်တို့ရွာကလေးတွင် နားဖို့အကြံရသည် ၊
ထိုအကြံနှင့်အတူ… သူ၏ အရီးလေးတော်သူ ဦးဘိုးကြိုင်၏ သမီးနှစ်ယောက်ရှိရာ
ဦးဘိုးကြိုင်တို့အိမ်ကြီးသို့ ရောက်လာလေသည် ၊ အိမ်ကြီးသို့ရောက်ခဲ့ပြီး
ဦးဘိုးကြိုင်ကွယ်လွန်သွားစသ်က သတင်းမကြားသဖြင့် အရောက်နောက်ကျပုံများ
ရှေးဟောင်းနှောင်းဖြစ်များအား ပြန်ပြန်ပြောဖြစ်နေရင်း တစ်လမ်းလုံးစားလာသည့်အဆာများကြောင့်
ဗိုက်ထဲ ရစ်သလိုလိုဖြစ်လာလေသည် ၊ ထို့ကြောင့် စကားကိုခေတ္တရပ်လိုက်ရင်း အိမ်သာသွားခွင့်ပြုရန်
ခွင့်တောင်းပြီးနောက် နောက်ဖေးသို့ဝင်သွားလိုက်သည်… ၊ ကောင်ကင်မှာ အလင်းပျောက်လို့
မိုးချုပ်စပင်ပြုနေချေပြီ….၀န်းကျင်တစ်ခုလုံးအရာရာမသဲမကွဲဖြစ်နေသည် ၊
အိမ်နောက်ဖေးအရောက်တွင် အိမ်သာကိုမြင်လျှင်မြင်ချင်းအားရ၀မ်းသာ အိမ်သာ တံခါးဆွဲဖွင့်လိုက်ရာ
အိမ်သာထဲတွင် အသင်ထိုင်နေရင်း ဆေးပေါလိပ်ကြီးအား ရဲခနဲ ရဲခနဲနေအောင် သောက်ပြနေသည့်
ဦးဘိုးကြိုင်အား မြင်လိုက်ရသောအခါ ကျော်သိုက်တစ်ယောက် နေရာမှာပင်
အပေါ့အလေးများထွက်ကျပြီးနောက် အော်ဟစ်ရင်း ခြေကုန်ထွက်ပြေးသွားလေတော့သည်…. ။

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

 အတော်လေး တိတ်နေရာက ဦးဘိုးကြိုင်တစ်ယောက် မကျွတ်မလွတ်သေးဘူးဆိုတာကို
သိလိုက်ရတဲ့အတွက် တစ်ရွာလုံးအတွ့် အိမ်မက်ဆုံးကြီးပြန်စလာလိုက်သလိုပင် ။

 ကုသိုလ်များစွားလုပ်ပေးသော်လည်း ဦးဘိုးကြိုင်တစ်ယောက်
အကုသိုလ်ဖိစီးလွန်းသဖြင့် သာဓုပင် ခေါ်နိုင်ဖွယ်မရှိကြောင်းလည်း ရိပ်စားမိကြသည် ။

 နောက်တစ်ပတ်မျှကြာသည့်အခါ ဦးဘိုးကြိုင်တို့နှင့် အိမ်ဘေးချင်းကပ်လျက်နေသည်
ကိုချစ်မောင်နှင့် မလှခင်တို့… ဦးဘိုးကြိုင်၏ အိမ်နောက်ဖေးတွင်းရှိသော ၎င်းတို့၏
ပြောင်းဖူးခင်းလေး ရေတင်ဖြစ်ခဲ့သည် ၊ အချိန်မှာ ညအချိန်ဖြစ်သည် ၊ ထိုသို့
ပြောင်းဖူးခင်း ရေတင်းရာတွင် တစ်မိသားစုလုံး ပြောင်းဖူးခင်းအား ညအိပ်စောင့်ကြရန်
ကိုချစ်မောင်နှင်မလှခင်အပြင် သူတို့၏ ငါးနှစ်အရွယ် ကလေးငယ်လေးကိုလည်း
ခေါ်လာခဲ့ကြသည် ၊ ပြောင်းဖူးခင်းကြီး၏ ထိပ်နေရာနားတွင်းရှိသော
ကုန်းငယ်လေးတစ်ခုအပေါ်တွင် စက်တဲလေးထိုးထားခြင်းဖြစ်သည် ၊
ညဘက်ကြီး ရေတင်နေရင်း… ကိုချစ်မောင်က ဘာရယ်မဟုတ်ဘဲ
သူ့စိုက်ခင်းက ပြောင်းဖူးတွေ ၊ မြေကြီးတွေကို ခိုးခိုးတတ်တဲ့ ဦးဘိုးကြိုင်ကို
သတိရသွားပြီး အမှောင်တစ်နေရာကိုကြည့်ရင်း လှမ်းခေါ်လိုက်သည် ….

 “ ဦးဘိုးကြိုင် ဗျို့ ဦးဘိုးကြိုင် ခင်ဗျားကြီး မကျွတ်သေးဘူးဆို
ဒီနားမှာရှိရင် ပြစမ်းပါဦး ကျုပ်ကြည့်ချင်လို့ ဟား.ဟား… ”

 ယောကျာ်းဖြစ်သူရဲ့ ရုတ်တရက်အပြုအမူကြောင့်
ကလေးချီထားလျက်ဖြစ်နေရင်းက မလှခင် ခေါင်းနပန်းကြီးသွားရင်း
ဒေါသလည်းထွက်သွားပြီး ကိုချစ်မောင်ကို ကြိမ်းမောင်းရင်း တဲထဲကို
ဝင်ခိုင်းလိုက်သည် ။

 “ ညကြီးမင်းကြီး ဘာတွေလျောက်ပြောနေတာလဲ
ကလေးလည်းပါလာတာကို ပါးစပ်စည်းမစောင့်ဘူး ၊ ဗရမ်းဗတာတွေ
လျှောက်ပြောနေတယ် ၊ ကိုယ့်အလုပ်လည်းမဟုတ်ဘူး…. ”

 မကြာပါဘူး..အပုပ်နံ့ဆိုးကြီးတစ်ခုကို ထောင်းခနဲရလိုက်ကြရသည် ၊
အဲ့အခါမှ သူတို့လင်မယားတစ်ယောက်မျက်နာတစ်ယောက်ကြည့်ရင်း
ကြက်သီးတွေတစ်ဖြန်းဖြန်းထနေကြရပြီ ၊ တစ်ချိန်တည်းမှာပဲ
ပြောင်းဖူးခင်းထဲကို လှမ်းကြည့်လိုက်မိတော့ အခင်ထဲက
အခင်းအလယ်မှာရှိတဲ့ ပြောင်းဖူးပင်တွေက လေမတိုက်ပါဘဲ
လူတစ်ယောက်က လက်နဲ့ကိုင်ပြီး ဆွဲရမ်းနေသလို
ထင်ထင်ရှားရှားကြီး ယိမ်းထိုးနေတာကိုမြင်လိုက်ကြရသည် ၊
အဲ့ဒီ့အခါမှ ပိုကြောက်သွားကြပြီး တဲတံခါးကို အမြန်ပိတ်လိုက်ရင်း
သုံးယောက်သား ပူးကပ်ထားကြတုန်း တဲတံခါးကိုလက်နဲ့လာပုတ်တဲ့အသံကြီးကို
ပီပီသသကြီးကြားလိုက်ရတော့သည်…လာပုတ်တဲ့အသံကြီးနဲ့အတူနောက်ကအသံသြသြကြီးတစ်ခု

 “ ချစ်မောင် ငါရောက်ပြီ ”

 ဘာပြောကောင်းမလဲ ကိုချစ်မောင် နဲ့ မလှခင်တို့လည်း ကလေးကို ပွေ့ပြီး တစ်ခါတည်း
ရွာထဲကိုဝင်ပြေးတာ အနောက်ကိုလုံးဝ မလှည့်ကြည့်စမ်း…. ၊ ပြောင်းခင်းထဲက ပြောင်းပင်တွေကတော့
လေမတိုင်ပဲ ယိမ်းထိုးလို့…. သူတို့ကို လှောင်ရယ်နေသလို….. ။

~~~~~~~~~~~~~~~~~~~~~~~~~~~~~~~~~~~~~~~~~~~~~~

 မကျွတ်မလွတ်သောဘ၀ကိုရောက်သွားသည့် အကုသိုလ်ကြီးလွန်းသူ ဦးဘိုးကြိုင်ကြီး၏
ခြောက်လန့်မှုများက သည်မျှနှင့် ရပ်မသွား…. ၊

 တစ်လောကပင် ရွာထဲမှ ဟိုးလေးတကျော်ဖြစ်သွားသည့် သတင်းတစ်ခုရှိသေးသည် ၊
ထိုသတင်းမှာ ရွာအနောက်ဘက် သချို င်္င်းနားမှ လယ်ခင်းတစ်ခုတွင်ဖြစ်ခဲ့ခြင်းပင် ၊

 ရွာသချို င်္င်းနားမှ လယ်ခင်းများထဲတွင်လည်း ဦးဘိုးကြိုင်တို့ပိုင်ဆိုင်သည့်
လယ်ခင်းတစ်ခုရှိလေသည် ၊ ရွာထဲမှ အရီးလေးသန်းတင်ဆိုသူသည် ညနေစောင်းလေး
ရွာသချို င်္င်းနားတွင်ရှိသည့် ဦးဘိုးကြိုင်တို့လယ်ကွက်နှင့်ကပ်လျက်တွင်ရှိသည့် သူ၏
လယ်ကွက်အား မြက်ထွက်ရိတ်ဖြစ်သည် ၊ မြက်ရိတ်ပြီးနောက် အပြန်တွင်းတစ်ယောက်တည်း
ပြသနာတစ်ခုကြုံနေရသည် ထိုအဖြစ်ကိုမြင်သူက တစ်ဖက်ရွာမှ စက်ဘီးကလေးနှင့်ပြန်လာသည့်
ရွာထဲမှ သူနာပြုဆရာမလေး လှဝန်းညိုဖြစ်သည် ၊ လှဝန်းညိုမြင်လိုက်သည်က
အရီးလေးသန်းတင်တစ်ယောက် မြက်များထည့်ထားသည့် တောင်းလေးကို ခေါင်းပေါ်သို့
ရွက်တင်လိုက် ပြန်ပြုတ်ကျလိုက် ရွက်တင်လိုက်နှင့် အကြိမ်ကြိမ်ဖြစ်နေခြင်းပင် ၊ ကြည့်လိုက်ပြန်တော့လည်း
မြက်တောင်းလေးက သေးသေးလေး… ၊ တောင်းထဲက မြက်တွေကလည်း နည်းနည်းလေးရယ် ၊
ဘေးနားမှာလည်းလူတစ်ဦးတစ်လေမျှမတွေ့…. ၊ အရီးလေးသန်းတင်တစ်ယောက်တည်းဖြစ်ပျက်နေခြင်းပင် ၊

 “ အရီးလေး…ကျွန်မ လာပင့်ပေးရမလား ”

 ဆရာမလေး လှမ်းပြောလိုက်တော့ အရီးလေးသန်းတင်ကပြန်ပြောတယ်

 “ ရတယ် ကလေး သွားသွား…ကျုပ်ကို ရွာထိပ်ကနေ ခဏစောင့်ပေး ကလေးမ ”

 အရီးလေးစကားကြောင့် စိတ်ထဲမတင်မကျဖြစ်နေပေမယ့် ဆက်မကြည့်ဖြစ်တော့ဘဲ
ရွာအ၀င်နားကို ဆက်နင်းသွားလိုက်သည် ၊ မကြာခင် အရီးလေးသန်းတင် ရွာအ၀င်ဝနားကို
မပြေးယုံတမယ် လမ်းလျှောက်လာတော့သည် ၊ အနားရောက်မှ သူနာပြုဆရာမလေး လှဝန်းညိုလည်း
ကြိုမေးလိုက်မိသည် ၊

 “ အရီးလေး ခုနက တစ်ယောက်တည်း ဘာတွေဖြစ်နေတာလဲ ”

 သူနာပြုဆရာမလေး လှဝန်းညို စကားကြောင့် အရီးလေးသန်းတင်က အနောက်ဘက်ကို
မလုံသလိုကြည့်လိုက်ရင်း ပြန်ပြောပြတယ် …

 “ ငါတစ်ယောက်တည်း ငါ့အခင်းထဲက မြက်တွေရိတ်ပြီးလို့ ပြန်မယ်ပြင်တော့
အပြန် ငါ့အခင်းဘေးနားက ဦးဘိုးကြိုင် အခင်းထဲမှာ မြက်ပင်စိမ်းစိမ်းနုနုလေးတွေမြင်လို့
မြက်ပင်တေါကောင်းလိုက်တာဆိုပြီး ဘာရယ်မဟုတ်ဘူး ဆင်းရိတ်လိုက်မိတယ်… မြက်တွေရိတ်နေတုန်း
ထူးထူးဆန်းဆန်း ပုပ်စော်တွေကို နံဟောင်နေအောင်ရလိုက်သေးတယ် ၊ စိတ်ထဲ မသင်္ကာဖြစ်ပေမယ့်
ငါက အရင်ကတည်းက မကြောက်တတ်သူဆိုတော့ ပြန်တော့မယ်ဆိုပြီး မြက်ပင်တွေထည့်ထားတဲ့
တောင်းကို ခေါင်းပေါ်ရွက်ပင့်လိုက်တော့ အဲ့မြက်တောင်းကို ငါ့ဘေးမှာ ရုတ်တရက်ပေါ်လာတဲ့
ဦးဘိုးကြိုင်ကြီးက ဆွဲဆွဲချပါလေရော…အစက သူ့ရုပ်ကြီးကြည့်ပြီး ကြောက်သလိုဖြစ်မိပေမယ့်
ဒါလေးတောင် မသဒ္ဒါရကောင်းလားဆိုပြီး ငါလည်း ဒေါသထွက်ထွက်နဲ့ ဆက်ပြီး ပင့်နေမိတယ်
သူက ဆွဲချလိုက် ငါ့က ပင်လိုက်နဲ့ဖြစ်နေတုန်း ကလေးမလေးက စက်ဘီးနဲ့ရောက်လာတာပဲ…
ငါလည်း နင်ကြောက်မှာစိုးလို့ရွာအ၀င်ဝကနေစောင့်နေခိုင်းလိုက်တာ….နောက်ဆုံး
ငါဒေါသတော်တော်ထွက်လာပြီး လူ့ဘ၀ကတည်းက ဦးဘိုးကြိုင်က ငါ့ထက်ငယ်တာမို့ ဦးဘိုးကြိုင်ကို
ဆဲဆိုပြီးမြက်တောင်းကို မ လိုက်တော့မှ ရသွားတယ်…. ”

 ဆရာမလေးလည်း ကြားကြားချင်းပဲ အရီးလေးကို စက်ဘီးနောက်မှာ မြန်မြန်တက်ဖို့ပြောလိုက်ရင်း
ရွာထဲသို့ ခြေကုန်နင်းသွားလိုက်မိလေတော့သည် ။

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

 ထိုအဖြစ်အပျက်များဖြစ်ပွားပြီးနောက်သိပ်မကြာခင်အချိန်မှာပင်
သချိ င်္င်းနားရှိ ဦးဘိုးကြိုင်တို့၏ လယ်နှင့် ဘေးချင်းကပ်လျက်တွင်ရှိသော မြေပဲခင်းတစ်ခုတွင်
ပေါင်းသင်သွားကြသည့် ရွာထဲမှ ဒေါ်ချိုမာနှင့် မူလတန်းအရွယ်သူမ၏သားလေး ခွေးပုတို့
အခင်းထဲတွင် ပေါင်းသင်နေကြရင်း ညနေစောင်းမှန်းမစိစောင်းလာခဲ့သည် ၊
ခဏလောက်ကြာလာတော့ ခွေးပုသည် သူ့အမေနားကိုသွားကာ

 “ အမေ ပြန်ကြစို့ ”

 အမေဖြစ်သူကလည်း “ ဟဲ့ခွေးပု အမေဒီမှာ အလုပ်မပြီးသေးဘူးလေ
ခဏနေရင်ပြန်မှာပေါ့ ခဏလေးနော်သား..သားဗိုက်ဆာပြီလား ” ဆိုတော့
ခွေးပုက “ အမေ မပြန်ချင်နေခဲ့ သားပြန်နှင့်တော့မယ် ”

 ခွေးပုစကားကြောင့် ဒေါ်ချိုမာ ရုတ်တရက်ကြောင်စီစီဖြစ်သွားမိရင်း
ခွေးပုမျက်နာကိုအကဲခပ်လိုက်မိတယ်…ခွေးပုသည် သချို င်္င်းတစ်နေရာအား
စိုက်ကြည့်နေလေသည် ခွေးပု၏ မျက်ဝန်းထဲတွင် ကြောက်ရွံ့ခြင်းတစ်စုံတစ်ရာကို
အဓိပ္ပာယ်ဆောင်နေပြန်သေးသည် ၊ ခွေးပုကြည့်နေသည့်နေရာကို ဒေါ်ချိုမာ
လှမ်းကြည့်ပြန်တော့ အုပ်ဂူဖြူဖြူများနှင့် အပင်ကြီးငယ် ခြုံနွယ်များပြည့်နှပ်နေသည့်
သချို င်္င်းကြီးမှလွဲ၍ မည်သည့်အရာမျှမတွေ့ရ ၊ ထိုစဉ်မှာပင် ခွေးပုက
သချို င်္င်းနေရာသို့ လက်ညှိုးထိုးပြလိုက်လျှက် တုန်တုန်ယင်ယင်ဖြင့်

 “ အမေ…ဟို…ဟို..ဟို…မှာတွေ့လား
ဦးလေးဘိုးကြိုင်ကြီး ရေနွေးကြမ်းခွပ်လောက်ရှိတဲ့ မျက်လုံးနီနီရဲရဲကြီးတွေနဲ့
ပြူးပြပြီး သားတို့ကိုစိုက်ကြည့်နေတယ် အမေ…အမေ…
ဟော…ဟော..ပြောရင်းဆိုရင်း လျှာကြီးထုတ်ပြနေပြန်ပြီ…
လျှာကြီးက အရှည်ကြီးပဲ အမေ…ပါးစပ်ထဲမှာလည်း
အစွယ်ကြီးတွေနဲ့… အမေ..အမေ…နေချင်နေခဲ့တော့
သားကတော့ ပြေးပြီ….သရဲကြီး….အား…. ”

~~~~~~~~~~~~~~~~~~~~~~~~~~~~~~~~~~~~~~~~~~~~~~~~

 မတူကွဲပြားသည့် တစ္ဆေကြီး ဦးဘိုးကြိုင် ခြောက်လန့်မှုတွေကို
ကြုံရသူတွေထဲတွင် ရွာထဲမှ လူပျိုပေါက်အရွယ် တိုးကျော်ကိုလည်း
ချန့်ထားလို့မရသေး…. ၊

 တိုးကျော်ကြုံခဲ့ပုံက တစ်နေ့ ဘာရယ်မဟုတ်ပဲ
တိုးကျော်တို့အဖေက သားဖြစ်သူကို ရွာတွင်းမှ တစ်ဆိုင်တည်းသာရှိသည့်
လဖက်ရည်ဆိုင်မှ လဖက်ရည်သွားဝယ်ခိုင်းခဲ့သည် ။

 ထို လဖက်ရည်ဆိုင်သို့သွားမည့်လမ်းတွင်
ဦးဘိုးကြိုင်တို့ အိမ်ရှေ့မှ မလွဲမသေဖြတ်သွားရမည်ဖြစ်သည် …. ၊
ည ခုနှစ်နာရီလောက်ဆိုပေမယ့် ခါတိုင်းလည်းတစ်ယောက်တည်း
သွားလာနေကျမို့ တိုးကျော်တစ်ယောက် ကြောက်စိတ်မရှိခဲ့ချေ ၊
လေလေးတစ်ချွန်ချွန်နှင့် လဖက်ရည်သွားဝယ်ပြီးအပြန် ဦးဘိုးကြိုင်တို့
အိမ်နားအရောက်တွင် ထူးထူးဆန်းဆန်း တစ်လမ်းလုံးကြားလာသမျှ ညပုရစ်အော်သံများ
တိတ်ဆိတ်သွားပြီးနောက် သူ့အနောက်မှ အသံသြသြကြီးတစ်သံကိုကြားလိုက်ရလေသည်…

 “ ငါ့တူ….ဦးလေးကို လဖက်ရည်လေးတိုက်ပါလား ” တဲ့….

 တိုးကျော်လည်း အသံကြားလို့ မမျှော်လင့်ဘဲ လှည့်အကြည့်
သူ့အနောက်မှာ ရပ်နေသူက ဦးဘိုးကြိုင်……. ။

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

 ဒီလိုမျိုး နည်းမျိုးစုံနှင့် ခြောက်လန့်တတ်သူကြီး
အကုသိုလ်ကြီးလွန်းသူ ဘုရားမသိတရားမသိသူကြီး ဦးဘိုးကြိုင် ၊
တစ်နှစ်ကျော်လောက်ရွာလေးမှာ အားရအောင် ခြောက်လန့်သွားပြီးနောက်ပိုင်း
ခြောက်လန့်သည့် သတင်းများအသံများ လုံးဝမကြားမိတော့…၊
ရွာငယ်လေး၏ ညဘက် အိပ်ယာဝင်ခါနီး မိခင်က သားသမီးတွေကို
ပြောပြကြသည့် သရဲတစ္ဆေပုံပြင်များထဲ အကုသိုလ်ကြောင့် ပြိတ္တာဘုံဘ၀ရောက်ခဲ့ရသူ
ဦးဘိုးကြိုင်ကြီးအကြာင်းသည် အမြဲလိုလို ရှင်သန်နေဆဲပင်…. ၊

 ရွာငယ်လေးမှ တစ္ဆေကြီး ဦးဘိုးကြိုင်ခြောက်လန့်မှုများ
ပျောက်ဆုံးသွားပြီးနောက် မည်သည့်အချိန် မည်သည့်နေရာများတွင်
ဦးဘိုးကြိုင်ဆက်ရှိနေမည်ကို တွေးဆရင်းနှင့် နံရံအားလက်ဖြင့်
ပုတ်လိုက်သံကြီးများမှာ နားစွဲသွားစေလိမ့်မည်……. ။

ကြိုးစားပါဦးမည် …
~ မိုးစွေ ~
စာပြီးချိန် - 27.4.2019 ( 8 : 46 Pm )

Credit